SYI’IR TANPO WATON

astaghfirullah robal baroya

astaghfirullah minal khotoya

rabbi zidni ilman nafia

wawafiqni amalan sholihan

Ya rasulalla salamun alaik

ya rafi asyani waddaraji

atwatayyaji ratalalami

ya uhai laljuu diwal karami

ngawiti ingsun nglarar syiiran

kelawan muji maring pengeran

kang paring rohmat lan kenikmatan

rino wengine tanpa pidungan 2x

duh bolo  konco priyo wanito

ojo mung ngaji syareat bloko

gur pinter dongeng nulis lan moco

tembe burine bakal sangsoro 2x

akeh kang apal quran hadise

seneng ngafirke marang liyane

kafire dewe dak digatekke

yen isih kotor ati akale 2x

gampang kabujuk nafsu angkoro

ing pepahese gebyare dunyo

iri lan meri sugihe tonggo

mulo atine peteng lan nisto 2x

ayo sedulur jo ngelaleake

wajibe ngaji sak pranatane

nggo ngandelake iman tauhide

baguse sangu mulyo matine 2x

kang aran sholeh baguse atine

kerono mapan sari ngelmune

laku thoriqah lan makrifate

ugo hakekat manjing rasane 2x

al quran qadim wahyu minulyo

tanpa dinulis iso diwoco

iku wejangan guru waskito

den tancepake ing jero dodo 2x

kumantil ati lan pikiran

mrasuk ing badan kabeh jeroan

mukjizat rosul dadi pedoman

minongko dalan manjinge iman 2x

kelawan Allah kang moho suci

kudu rangkulan rino lan wengi

ditirakati diriyadhahi

dzikir lan suluk jo nganti lali 2x

uripe ayem, rumongso aman

dununge roso tondo yen iman

sabar narimo najan paspasan

kabeh tinakdir saking pengeran 2x

kelawan konco dulur lan tonggo

kang podho rukun ojo nesio

iku sunahe rasul kang mulya

nabi Muhammad panutan kito 2x

ayo nglakoni sekabehane

Allah kang bakal ngangkat drajate

senajan asor toto dhohire

ananging mulya maqom drajate 2x

Ya rasulalla salamun alaik

ya rafi asyani waddaraji

atwatayyaji ratalalami

ya uhai laljuu diwal karami

MADINAH